Die Goue Voël

Eendag lank gelede was daar ‘n koning wat ‘n pragtige tuin gehad het en in die tuin was daar ‘n boom wat goue appels dra. Die appels was altyd getel, maar toe hulle ryp word het daar elke aand ‘n appel geheimsinnig verdwyn.

Die koning gee opdrag dat die tuinier saans by die boom moet waghou. Die tuinier se oudste seun hou wag, maar raak aan die slaap en nog ‘n appel verdwyn. Die tuinier se tweede seun bied aan om wag te hou by die boom en nog ‘n appel verdwyn omdat hy ook aan die slaap geraak het. Die tuinier se jongste seun bied toe aan om wag te hou en hy raak nie aan die slaap nie, maar sien ‘n goue voël wat bo die boom fladder en in die proses ‘n goue stertveer verloor.

Die volgende oggend is die goue stertveer vir die koning geneem en hy dring daarop aan dat hy die hele voël wil hê, nie net sy stertveer nie.

Die sprokie neem jou saam deur digte woude en magiese kastele waar die jongste seun na 'n pragtige goue voël, 'n vlugvoetige goue perd, en 'n lieflike prinses soek. Hierdie sprokie leer ons van getrouheid, geduld, en die waarde daarvan om na wyse raad te luister. Dit is 'n verhaal van verraad en vergifnis, en uiteindelik, die krag van goedhartigheid.