Die Lewe Sonder Jou

Patrys en haar pa, Koos woon op Paternoster. Koos is ‘n eenvoudige, maar eerbare visserman wat onbeskryflik lief is vir sy dogter. Patrys se paaie kruis met Terry Hoffman, ‘n swierbol van Johannesburg wie se familie skatryk is. Hulle raak verlief en Terry neem Patrys saam met hom Goudstad toe. Terry se ma is uiters hoogmoedig en keur Patrys nie goed nie. Koos gaan Johannesburg toe om Patrys te oorreed om terug te keer na Paternoster, maar Patrys kies Terry bo haar pa. Patrys besef sy het ‘n fout gemaak en keer terug Paternoster toe ... maar is dit te laat?

Neem asseblief kennis dat hierdie film in standaarddefinisie verfilm is, dit is dus nie dieselfde kwaliteit wat hedendaagse hoëdefinisiebeeld bied nie. Ons is trots om hierdie Afrikaanse juweel uit die argiewe met julle te deel - beleef die nostalgie weer saam met ons.