Die Padda Prins

Prins Eduard moet vir hom ‘n prinses gaan kies om mee te trou en op pad na die kasteel beland hy en sy koetsier, Hendrik, met hul koets in die water en begin sink. ‘n Towenares verskyn en prins Eduard sê vir haar dat hy enigiets sal doen as sy hulle sal help. Die towenares help hulle en eis dat prins Eduard met haar moet trou. Prins Eduard sê hy kan nie met haar trou nie en dit maak die towenares woedend, sy verander hom in ‘n padda. Sy sê as hy ooit weer ‘n mens wil wees moet hy ‘n prinses oorreed om hom toe te laat om saam met haar aan tafel te sit, uit haar goue glase te drink, kos uit haar goue borde te eet, daarna saam met haar tussen haar sylakens te slaap en die prinses moet hom soen. Hierdie lyk na ‘n onmoontlike taak en Hendrik sit langs die dammetjie en huil oor sy prins wat deur die towenares in ‘n padda verander is toe Otto en Krokkie daar opdaag. Otto en Krokkie beraam ‘n slim plan om die prins te help.