Daisy de Melker

Die berugte gifmoordenares, Daisy Louisa de Melker (née Hancorn-Smith), is op 1 Julie 1886 naby Grahamstad gebore.
Sy is aangekla van die moord op haar twee vorige mans sowel as haar seun. Haar opspraakwekkende verhoor het in Oktober 1932 voor regter Greenberg in Johannesburg begin en het groot openbare belangstelling ontlok.
Hoewel sy nie skuldig bevind is aan die moord op haar twee mans nie, is sy wel skuldig bevind aan die moord op haar seun.
Op 30 Desember 1932 is Daisy in die Pretoria Sentraal-gevangenis gehang, sonder dat sy ooit skuld beken het of enige berou getoon het. Daisy was die tweede vrou in Suid-Afrika wat gehang is.