Droogte

Droogte is verfilm tydens die piek van die 2019/2020 droogte in die Noord-Kaap en demonstreer die boere se absolute magteloosheid en die verwoestende effek wat die droogte meebring wat al vanaf ongeveer 2013 heers.
Die Noord-Kaap is Suid-Afrika se grootste provinsie en beslaan ongeveer 30% van SA se oppervlak. Die populasie word beraam op ongeveer 1 miljoen mense. Die Noord-Kaap se landbousektor is verantwoordelik vir werkskepping, ekonomiese groei en voedselsekuriteit. Daar is ongeveer 10 000 plase wat 6 miljoen hektaar beslaan. Hierdie provinsie is veral bekend vir hul Karoo lam en skaap.
Die droogte duur ongenaakbaar voort en word geag die ergste droogte in 100 jaar te wees.