Riviere van die Grotes

Afrika is deurtrek met magtige en indrukwekkende valleie en waterweë waarvan die sytakke oor die kontinent strek, soos are in ‘n dier se liggaam, waarsonder lewe net nie moontlik is nie. Grandiose en angswekkende reuse vul die Afrika riviere en hierdie groot skadu’s dwing respek af waar ookal hulle ‘n tuiste vind. Reusagtige olifante, seekoeie en krokodille verduur hierdie ongenaakbare habitatte tydens die droë seisoene met die wete dat daar in die nat seisoen weer welige weidings sal wees.