Vyfster

Pappa regeer, en met Priester as sy regterhand wat poog om almal in toom te hou, is daar min wat die moed het om hierdie bende teë te gaan. Die hunkering om te ontsnap lei daagliks tot menige intriges. Ruilhandel is aan die orde van die dag en lojaliteit is ‘n luukse. Die gebrek aan lojaliteit laat menige van die prisoniers sowel as bewaarders in ongemaklike situasies beland. Met Skollie en al sy plannetjies is daar nooit ‘n vervelige oomblik in dié tronk nie.
Volg die lewens van die uiteenlopende karakters wat hul vonnisse uitdien, sowel as die tronkbewaarders wat oor hul waak, in Pretoria Sentraal Gevangenis.
Hierdie reeks gedramatiseerde dokumentêre is gebaseer op ware gebeure die afgelope 75 jaar in verskeie Suid-Afrikaanse gevangenisse.